Bin i a Kärntner Hamlet

Sein oder Nichtsein
Schwein oder Sau?
Ach schmölze doch dies allzu fette Fleisch...

Neulich bin i zua Schlaraffensippung gongan,
Weil i mi alan so schrecklich einsam fiel.
Teixl, hot mei Nosn da so an Geruch empfangen,
Das i schnurstracks hob di Kuchl gnommen ols mei Ziel.

Won i a Idee hob in mein Kopf,
Dafon obbringan kann mi ka Schwein.
I pok di Gelegenheit jetzt beim Schopf
Und schau in den Kochtopf hinein.

Wos I dorten sig, is grauslig a wengal,
Und erinnert mi an di Gijotin.
A obkauter Kopf mocht Angst selbst an Engal,
Wos I jo beileibe nit bin.

Do siedets und dampft mit Karotn und Zwibel
Und faschidene Kreutlan, di i nit kenn:
I schluck noch schnell obe a eiskoltes Stiegl,
Befua i aus da Kuchl ausse renn.

Da hob i a Sau ghabt, dass mi nit ham dawuschen
Ols Häferlgucka, dös het mi schenirt,
Won man mi gsehen het beim Aussehuschen,
Weil man so schnell seine Würde faliert.

Ols Unentdeckter schleich i in di Sippung eine
Und nehm meinen Sesshaften ein,
Streck zufrieden aus di noch zittrigen Beine
Und den Uhu zu preisen, dös macht mia ka Pein.

Mei Leibspeis is a Kalbskopf gebacken,
Doch wos ma serviert, is da Schädel eina Sau!
Won i den nua anschau, packt di Ongst mi beim Nacken.
I was nit, ob I bleib oder ob i abhau?

A Schwein müast I hobn, müasat hobn a Sau.
Es fixiean mi di Augen von dem abghauten Kopf.
Es nutzt nix, dass i nit hinschau,

Es fafolgt mi dos Bild von dem Suppentopf.

Kostets nua amal, filiaba Ritter Schmafu,
A Ohrwascherl vielleicht oder liaba a schenes Wangerl?
Jetzt hams mi dawischt, bitte lossts mi in Ruh,
Gönts mia nua ols Nachspeis a Pariser Stangerl.

I muas aufpassen, dass i nit ausrutsch, mi nit faföl,
Denn feine Ohren, doch a zarts Seelchen hot da Uhu.
Won i bei da Wuetwal mi nua a bissal verwöl,
Don hast es glei: Burgverlies fian Ritter Schmafu!

Vom Schweinischen hob i füa heite gnua
Und i red mi nit weiter um Kopf und Kragen,
Mein Gehirn is fatrocknet, so kumt es mia foa:
Zum Sauschädel wil i ka Wörterl mea sogen.

Rt Schmafu, und sonst nix (385)
zur Sauschädelsippung des h.R. Claudium Forum im Hornung a.U.159